បណ្ណសារ
វិន័យទាំង៧ក្នុងជីវិត
បេីអាចធ្វើបាន ជារឿងល្អបំផុត តែខ្ញុំគិតថាកម្រនឹងមានមនុស្សអាចធ្វើបានណាស់ ដោយសារវិន័យមួយចំនួនគឺស្ថិតជាប់នឹងការគិតរបស់យើងមិនងាយនឹងយកចេញបាន។ តែឆ្លងតាមការប្រឈរមុខនឹងបញ្ហាកន្លងមកនេះខ្ញុំអាចអភិវឌ្ឍខ្លួនបានច្រើនដែរនៅសល់តែចំនុចទី១ និងទី៥ទេ។ ចុះអ្នកទាំងអស់គ្នាវិញអាចធ្វើបានប៉ុន្មានចំនុចហើយ? ខ្ញុំសុំបកស្រាយត្រួសៗ ខ្លីៗទាក់ទងនឹងចំនុចទាំង៧នេះ
- កុំគិតពីរឿងអតីតកាលដែលមិនអាចប្តូរបានទើបមិនប៉ះពាល់ដល់បច្ចុប្បន្នរបស់យើង
- អ្វីដែលគេគិតពីយើង វាមិនទាក់ទងនឹងយើងនោះទេ ឲ្យគេគិតអីគិតទៅ
- ពេលវេលាអាចជួយយើងព្យាបាលគ្រប់រឿងទាំងអស់ ដូចច្នេះប្រគល់រឿងទាំងអស់ឲ្យពេលវេលាចុះ
- កុំប្រៀបធៀបខ្លួនឯងនិងអ្នកដទៃ កុំវាយតម្លៃអ្នកដទៃ យើងមិនដឹងថាគេបានឆ្លងកាត់អ្វីខ្លះនោះទេ
- ឈប់គិតច្រើន។ ចម្លើយទាំងអស់នឹងមករកយើងដោយខ្លួនឯងនៅពេលយើងលែងរំពឹងវា
- សុភមង្គលរបស់យើងគឺឋិតនៅលើយើងខ្លួនឯង
- ត្រូវញញឹម។ បញ្ហាទាំងអស់មិនមែនយើងត្រូវដោះស្រាយតែឯងនោះទេ។
ពាក្យសន្យា និងការគោរពាក្យសន្យា
ការសន្យាមានច្រើនប្រភេទ៖ សន្យារឿងស្នេហា សន្យារឿងពេលវលា សន្យារឿងទិញវត្ថុឲ្យគ្នា សន្យាសងលុយជាដើម។
សន្យារឿងស្នេហាថាស្រលាញ់គ្នាដល់ចាស់ស្លាប់មិនក្បត់គ្នា បើម្ខាងណាលួចលាក់មានអ្នកថ្មី អ្នកនោះជាអ្នកក្បត់សន្យា។ ភាគរយដែលអាចគោរពពាក្យសន្យា គឺ១០០% ព្រោះវាស្ថិតនៅលើចិត្ត។
សន្យារឿងពេលវេលាថាមកឲ្យទាន់ បើអ្នកណាមកយឺត ចាត់ទុកថាមិនគោរពពាក្យសម្តី មិនគោរពសន្យា។ ភាគរយដែលអាចគោរពពាក្យសន្យាបានគឺ ១០០% អោយតែបានត្រៀមខ្លួនជាមុននឹងមិនមកយឺតទេ បើមកយឺតគឺមកពីមើលងាយពេលវេលា ឬអ្នកដែលត្រូវគេសន្យាមិនសំខាន់។
សន្យារឿងទិញវត្ថុឲ្យគ្នា វាមិនសំខាន់ថា អ្នកនោះមានចិត្តចង់ទិញឬមិនចង់ទិញនោះទេ បើគេមិនចង់ទិញឲ្យ គេមិនសន្យានោះទេ តែអ្វីដែលសំខាន់គឺលុយ។ ពេលដែលគេសន្យា គេគិតថាគេមានលុយអាចទិញឲ្យបាន តែដល់ពេលនោះគេអាចនឹងគ្មានលុយដោយប្រការណាមួយ។ យើងត្រូវមើលលើស្ថានភាពជាក់ស្តែង។ ភាគរយនៃការគោរពពាក្យសន្យាគឺ ៥០%លើចិត្ត និង៥០%លើលុយ។
សន្យាថាសងលុយ ក៏មិនខុសពីករណីទិញរបស់របរឲ្យគេដែរ យើងត្រូវមើលលើស្ថានភាពជាក់ស្តែងថា អ្នកនោះមានសមត្ថភាពសងតែមិនសង ឬគ្មានសមត្ថភាពសងពិតប្រាកដ។ ខ្ញុំអាចកំណត់អត្រាថា ៥០/៥០ ព្រោះវាមិនឋិតនៅលើចិត្តចង់សងតែម្ខាងនោះទេ គឺឋិតនៅលើទឹកលុយថាមានឬអត់។ ចង់ដឹងថាមាន ឬក៏អត់គឹយើងត្រូវធ្វើការតាមដានសកម្មភាពថាអ្នកជំពាក់បំណុលយើងនោះពិតជាមានតែមិនព្រមសង ឬមួយគេពិតជាអត់មែន។
សូនីតាបានចូលរៀនហើយ
ធ្មេចបើកៗ កូនស្រីសំណប់ចិត្តមានអាយុ ២ឆ្នាំ៩ខែហើយ។ ថ្វីត្បិតតែមិនទាន់គ្រប់អាយុចូលរៀនក៏ដោយ តែដោយសារភរិយារបស់ខ្ញុំធ្វើការនៅទីនោះទើបសុំការអនុគ្រោះពីលោកនាយក និងអ្នកគ្រូនាយិកាឲ្យបានចូលរៀន។ តាមពិតទៅក៏មិនទាន់ចង់ដាក់សាលាប៉ុន្មានដែរ តែដោយសារសព្វថ្ងៃអ្នកម៉ាក់របស់ខ្ញុំគាត់សុខភាពមិនសូវល្អ មិនអាចមើលកូនរបស់ខ្ញុំដូចពីមុនទើបនាំគ្នាសម្រេចចិត្តដាក់ឲ្យគាត់បានចូលរៀនមុនអាយុក្រោមការជួយជ្រៀមជ្រែងពីប្អូនស្រីរបស់ខ្ញុំពាក់កណ្តាល។ បើនិយាយទៅគួរឲ្យខ្មាស់ណាស់ សូម្បីតែប្រាក់ជាង៥០ដុល្លាក្នុងមួយខែក៏គ្មានឲ្យកូនរៀនដែរ។ មិនដឹងធ្វើម៉េចដែរបើជីវភាពខ្វះខាតមិនចេះចប់មិនចេះហើយអញ្ចឹង។
ហែម ពន្លឺសូនីតា
Hem Ponleusonita
Merry Christmas and Happy New Year
ចាប់ផ្តើមអានសៀវភៅ
បន្ទាប់ពីបានខ្ជះខ្ជាយពេលវេលាលេងល្បែងកំសាន្តតាមអ៊ីនធើណេតអស់ជាច្រើនឆ្នាំមក ពេលនេះខ្ញុំចាប់ផ្តើមប្តូរទម្លាប់មកជាការអានសៀវភៅវិញហើយ។ កន្លងមកខ្ញុំបានទៅបណ្ណាគារហើយឃើញសៀវភៅគួរឲ្យចាប់អារម្មណ៍តែមិនដែលបានទិញយកមកអានទេ (ប្រហែលមកពីខ្ជិលផង) ព្រោះទម្លាប់មិនសូវចូលចិត្តអានសៀវភៅក្រៅពីសៀវភៅមេរៀននោះទេ។
ការរៀនកែរទម្លាប់មកជាការអាន ពិតជាមានការលំបាកដែលតម្រូវឲ្យមានការអត់ធ្មត់ និងយកចិត្តទុក្ខដាក់យ៉ាងខ្លាំង។
នេះជាសៀវភៅដែលខ្ញុំសាកល្បងជាលើកដំបូង។
ទើបបានទំនេរបន្តិច
សួស្តី!!!!!!
ដូចជាស្ងាត់ជ្រាបតែម្តងហើយអ្នកភូមិយើង អត់មានឃើញមិត្តណាផ្សាយអត្ថបទអីសោះ។
សម្រាប់ខ្ញុំទើបតែមានទំនេរបន្តិច បន្ទាប់ពីការងារគទឹកគដី (សរសេរ SOPs) ការសិក្សាដ៏មារញឹក(សរសេរ Report មិនទាន់ចប់ផង) រួមទាំងមុខរបរថ្មីដែលទើបតែចាប់ផ្តើមបានមួយខែនេះ ជិតឆ្កួតហើយ។
ឥឡូវការងារចប់បានច្រើនហើយ រាងទំនេរ Reportវិញនៅតែកែសម្រួលបន្តិចបន្តួចតែប៉ុណ្ណោះ ចំណែកការរកស៊ីវិញក៏ចេះរៀបចំបន្ទាប់ពីរញេររញៃមួយខែមកនេះ។ បើមានមិត្តណាទំនេរកំុភ្លេចចូលលេង ចូលទិញទំនិញខ្ញុំផង។ តម្លៃសមរម្យ ធានាថាមិនថ្លៃជាងផ្សារនានានោះទេ។ ទីតាំងស្ថិតនៅ ទល់មុខស្ថានទូតអូស្ត្រាលី តាមវិថីរដ្ឋសភា (ឆ្លៀតផ្សាយពាណិជ្ជកម្មបានតិចទៀត ហេស)៕
មុខរបស់ថ្មីរបស់ខ្ញុំ
កាលពីអាទិត្យមុនខ្ញុំបានបើការរកស៊ីតូចតាចមួយនៅផ្សាររាត្រីសម្បត្តិទន្លេបាសាក់ ដែលមានទីតាំងស្ថិតនៅទល់មុខស្ថានទូតអូស្រ្តាលី ផ្លូវឡើងទៅស្ពានហង្ស។ ទំនិញមានដូចជា អាវយឺតស្រ្តី ខ្សែករ(ក្រឡៃ) ក្រវិល(ក្រឡៃ) ខ្សែដៃ (ក្រឡៃ) កាបូបយួរស្រ្តី ជាដើម។ បើមានអ្នកភូមិយើងណាបានទៅធ្វើដំណើរកាត់នោះ ចូលលេង ឬមានបំណងទៅទិញទំនិញនៅទីនោះ សូមកុំភ្លេចចូលលេងតូបខ្ញុំ និងជួយជាវខ្លះៗផងណា។ ផ្សារនេះបើពីថ្ងៃពុធរហូតដល់ថ្ងៃអាទិត្យ ចាប់ពីម៉ោង ៥ល្ងាច ដល់ម៉ោង ១១យប់។
ថៅកែប្រុស
ថៅកែស្រី
ថ្ងៃចូលឆ្នាំថ្មីទៅលេងស្រុក
ឆ្នាំនេះបានទៅលេងស្រុកយ៉ាងសប្បាយរីករាយ បានជួបជុំបងប្អូន ម៉ីងមា យាយតា។ បើនិយាយទៅខានទៅលេងស្រុកបី បួនឆ្នាំមកហើយ តាំងពីប្រពន្ធមានទម្ងន់ រហូតដល់ឆ្នាំនេះដែលកូនមានអាយុ16ខែទើបសម្រាច់ចិត្តទៅ។ លើកនេះដើរបានទាំងពីស្រុកតែម្តង ទៅខាងម៉ាក់របស់ខ្ញុំ និងខាងប្រពន្ធខ្ញុំដែលរាល់ដងទៅបានតែម្ខាង!!! តែអ្វីដែលមានការសោកស្តាយនោះគឺឆ្នាំនេះអត់បានទៅវត្តទេ បានតែរៀបចំបុណ្យនៅផ្ទះប្រគេនចង្ហាន់ដល់ព្រះសង្ឃ និងសែនដូនតា តែក៏ចាត់ទុកថាគ្រប់កិច្ចទៅចុះព្រោះនៅផ្ទះក៏រវល់ដកឃ្លាមិនបានទៅហើយ។
សង្ខេបប្រកាសឆ្នាំ ២០១៣ (2013 in review)
The WordPress.com stats helper monkeys prepared a 2013 annual report for this blog.
Here’s an excerpt:
A New York City subway train holds 1,200 people. This blog was viewed about 4,500 times in 2013. If it were a NYC subway train, it would take about 4 trips to carry that many people.
RHM 491 & 492
នៅក្នុង២វ៉ុលនេះ ផលិតកម្មរស្មីហង្សមាស បានសម្រិតសម្រាំងយកបទពីជំនាន់ដើមមកកែរសម្អបទភ្លេងជាថ្មី និងច្រៀងជាថ្មីដោយតារាចម្រៀងល្បីៗរបស់ខ្លួន។ សម្រាប់អ្នកដែរចូលចិត្តស្តាប់ចំរៀងដូចខ្ញុំ (ជាទូទៅមិនអោយរំលងមួយវ៉ុលឡើយមិនថាផលិតកម្មណាទេ :D) ប្រាកដជាដឹងថា នេះមិនមែនជាលើកទីមួយទេដែលផលិតកម្មនេះ ក៏ដូចជាផលិតកម្មដទៃមួយចំនួនទៀតយកបទចម្រៀងរបស់រៀមច្បងពីមុនមកច្រៀង ហើយក៏ទទួលបានការរិះគន់យ៉ាងព្រោងព្រាតដូចជាពន្លឺផ្កាយនាពេលមេឃស្រលះក្នុងរាត្រីរនោជ។
តែសម្រាប់ខ្ញុំ ខ្ញុំយល់ឃើញថាជាការល្អម្យ៉ាងដែរ បើយើងងាកមកមើលមួយជ្រុងទៀត។ តាមខ្ញុំធ្លាប់សង្កេត ឃើញថា មានយុវវ័យមួយចំនួនដែលមិនចូលចិត្តស្តាប់បទចម្រៀងពីដើមនោះ (បុរាណម៉េសហ្អា៎ ស្តាប់សុទ្ធតែបទបីដើមអីណា…) ងាកមកស្តាប់និងរៀនច្រៀងបទទាំងនោះជាមួយតារាចម្រៀងដែលខ្លួនចូលចិត្តវិញ នៅក្នុងផលិតកម្មនេះ ពោលគឺពួកគាត់ចាប់ផ្តើមស្គាល់និងចូលចិត្តតាមរយះការយកមកសម្រួលឡើងវិញរបស់ផលិតកម្មទាំងនេះ។
ចំពោះខ្ញុំវិញ ការនិយមចូលចិត្តបទពីដើមគឺមិនប្រកាន់អ្នកច្រៀងទេ ព្រោះខ្ញុំយល់ថា ពួកគាត់មានទឹកដមសម្លេងដែលគួរអោយចូលចិត្តម៉្យាងម្នាក់៕
អំពីខ្ញុំ
Facebook Badge
ចំនួនអ្នកអាន
Free Counter
The following text will not be seen after you upload your website, please keep it in order to retain your counter functionality
online casino reviews
Blogger របស់ខ្ញុំ
- ព្រះបាទពញាយ៉ាត
- លុយ
- Get Stuck
- ការដាក់ទោសរបស់ប្រទេសមួយចំនួនទាក់ទងនឹងបទល្មើលរំលោភ
- Full Highlight Spur vs Liverpool
- របៀបផ្សាយផ្ទាល់ (Live) វីដេអូពីអេក្រង់ទូរស័ព្ទទៅ Facebook YouTube How to...
- មកស្គាល់អ្នកចាត់ទូទៅរបស់ក្លឹបនៅ English Premier League Season 2018-2019 ...
- Lesson 3 Apology មេរៀនទី៣ ការសុំទោស
- ការអរគុណជាភាសាអង់គ្លេស Ways to say "Thank you" in English and Reponses
- ការសួរសុខទុក្ខជាភាសាអង់គ្លេស How to say "How are you?" in English
All In Khmer 